Nostalgia For The Light (Spanish, Documentary, 2010)

Director: Patricio Guzmán


"ഖനിജം" എന്ന നോവലിൽ പി. വി. കെ പനയാൽ ഇങ്ങനെ എഴുതുന്നു. 

"നൂറ്റാണ്ടുകളായി വെയിലും, മഴയും ഏറ്റു നിൽക്കുന്ന ചുമടുതാങ്ങികളും , കൽതൊട്ടികളും ആൽത്തരകളും , മറഞ്ഞു പോയ ഏതോ സംസ്കാരത്തിന്‍റെ  മരിക്കാൻ കൂട്ടാക്കാത്ത അടയാളങ്ങളായി ഇപ്പോഴും നിലനില്ക്കുന്നു എന്ന് മാത്രമേ പറയാനാകൂ. പുതിയ മനുഷ്യർ ഭാരമിറക്കി വെയ്ക്കാനും കാലികളെ വെള്ളം കുടിപ്പിക്കാനും ഇതുപയോഗിക്കുന്നു. അവരൊന്നും അതുണ്ടാക്കിയ മനുഷ്യരെ കുറിച്ചോ, അവരുടെ സഹജീവി സ്നേഹത്തെ ഓർക്കാൻ ഇടയില്ല."

നമ്മൾ മറന്നു പോകുന്ന നമ്മുടെ മുൻ തലമുറകളെ കുറിച്ചുള്ള ഇത്തരം ഒരു ഓർമ്മപ്പെടുത്തൽ ആണ് Nostalgia For The Light.

1973 ല്‍ അലൻദ്ദെ സർക്കാരിനെ പട്ടാള അട്ടിമറിയിലൂടെ പുറത്താക്കി കൊണ്ടാണ് പിനെഷയുടെ ഏകാധിപത്യം ചിലിയെ കീഴ്പ്പെടുത്തുന്നത്. പിന്നീടുള്ള ഇരുണ്ട നാളുകളിൽ നിരവധി ജനാധിപത്യ സ്നേഹികൾ പിനെഷയുടെ തടങ്കൽ പാളയങ്ങളിൽ കൊല്ലപ്പെടുകയുണ്ടായി. അത്തരം ഒരു പാളയം നില നിന്നിരുന്ന Atacama മരുഭൂമിയിൽ ആണ് Nostalgia For The Light ചിത്രീകരിച്ചിരിക്കുന്നത്. Atacama മരുഭൂമിയിലെ മണ്ണിന്‍റെ  പ്രത്യേകത കാരണം , വർഷങ്ങൾക്കിപ്പുറവും, ഈ തടങ്കൽ പാളയത്തിൽ കൊല്ലപ്പെട്ടവരുടെ ശവശരീരങ്ങൾ പൂർണ്ണമായും നശിച്ചു പോയിട്ടില്ല. മരുഭൂമിയിൽ ഉറഞ്ഞു പോയ അനേകായിരം ശവ ശരീരങ്ങളിൽ നിന്നും, തങ്ങളുടെ പ്രിയപ്പെട്ടവരുടെ ശരീരാവഷിഷ്ട്ടങ്ങൾ തിരഞ്ഞ് ഇന്നലകളിലേക്ക് നടക്കുന്ന ഒരു കൂട്ടം മനുഷ്യരുടെ വർഷങ്ങൾ വർഷങ്ങൾ നീളുന്ന, ഇന്നും തുടരുന്ന സഹനത്തെ കുറിച്ചാണ് Nostalgia For The Light സംസാരിക്കുന്നത്. ഒപ്പം പുറമേ വിചിത്രം എന്ന് തോന്നാവുന്ന ഒരു comparison സംവിധായകൻ നടത്തുന്നു. Atacama മരുഭൂമിയിൽ തന്നെ ആണ്‌ ലോകപ്രശസത്മായ ഒരു വാന നിരീക്ഷണ കേന്ദ്രം നിലകൊള്ളുന്നത്. യഥാർത്ഥത്തിൽ അവർ നിരീക്ഷിക്കുന്നതും ഇന്നലകളെ തന്നെ ആണെന്ന സത്യം സംവിധായകൻ ഓർമ്മപ്പെടുത്തുകയാണ്. കാരണം കോടാനുകോടി വർഷങ്ങൾക്ക് അപ്പുറം പ്രപഞ്ചത്തിന്‍റെ  ഏതോ കോണിൽ ഉണ്ടായ പ്രകാശ രശ്മികൾ ഇപ്പോഴാവും ഇവിടെ എത്തിയിട്ടുണ്ടാകുക. അപ്പോൾ നമ്മൾ നോക്കുന്നത് ഇന്നലകളിലേക്ക് തന്നെയല്ലേ.

നമ്മളെല്ലാം ജീവിക്കുന്നത് ഇന്നലകളിലും, ഓർമ്മകളിലും തന്നെയാണ് എന്ന് ആഴത്തിൽ അടയാളപ്പെടുത്തുന്നുണ്ട് Nostalgia For The Light. അത് കൊണ്ട് തന്നെ നമുക്ക് മുൻപേ പോയ തലമുറയെ, അവരുടെ സ്വപ്നങ്ങളെ വേദനകളെ നാം കൂടുതൽ പരിഗണനയോടെ സമീപിക്കണം എന്ന് Nostalgia For The Light പറയാതെ പറയുന്നു. 

കാവ്യാത്മകമായി, കിടയറ്റ ദ്രിശ്യ ഭംഗിയോടെ ചിത്രീകരിക്കപെട്ട Nostalgia For The Light "Rotten Tomatoes"" '' ൽ 100 ശതമാനം റേറ്റിംഗ് നേടിയ Documentary കൂടിയാകുന്നു.

Nostalgia For The Light പറയാൻ ആഗ്രഹിച്ചത്‌ വി. കെ ജോസഫ്‌ ലോർക്കയുടെ കവിതയെ സൂചിപ്പിച്ചു എഴുതിയ ഈ വരികളിൽ കാണാം. "ചരിത്രത്തിലെ ദുരന്തങ്ങളെ നാം വിസ്മരിക്കരുത്. എല്ലാ നെടുവീർപ്പുകളും ഒരു നിലവിളിയുടെ അവശേഷിപ്പാണെന്ന്  നാം ഓർക്കണം. കാലത്തിന്‍റെ തിരശീലക്ക് അപ്പുറത്തേക്ക് അപ്രതീക്ഷിതമായി എടുത്തെറിയപ്പെട്ട ലക്ഷക്കണക്കിനു മനുഷ്യരുടെ നിലവിളികൾ വർത്തമാന കാലത്തെ നമ്മുടെ നെടുവീർപ്പുകൾ ആകേണ്ടതുണ്ട്"

അങ്ങനെ ഒരു നെടുവീർപ്പാകാൻ Nostalgia For The Light നു കഴിയുന്നത്‌ കൊണ്ട് തന്നെയാണ് ഇതെന്‍റെ  പ്രിയ Documentaryകളിൽ ഒന്നായി തീരുന്നത്.

The Sea Inside (Spanish: Mar adentro, 2004)

 Director: Alejandro Amenábar

സ്വയം മരിക്കാനുള്ള അവകാശം തേടി നീതി പീടങ്ങളോട് പോരാടിയ Ramón Sampedro ന്‍റെ ജീവിത കഥയാണ്  The Sea Inside. ജീവിതത്തിലെ ഏറ്റവും മികച്ച സമയത്ത്, അപകടമുണ്ടായി കിടപ്പിലായ Ramón Sampedro ന്‍റെ  മനസിലെ തിരയൊടുങ്ങാത്ത ജീവിത കടലാണ് ഈ സിനിമ. കിടപ്പിലാനെങ്കിലും ജീവിതത്തെക്കുറിച്ച് ,അതിന്‍റെ  സ്വപ്ങ്ങളെക്കുറിച്ച് വളരെ തുറന്ന ഒരു കാഴ്ചപ്പാടാണ് അയാള്‍ സ്വീകരിക്കുന്നത്. ഇനിയൊരിക്കലും, തന്‍റെ പഴയ ജീവിതത്തിലേക്ക് ഒരു മടങ്ങി വരവ് സാധ്യമല്ല എന്ന് Ramón തിരിച്ചറിയുന്നു. അതുകൊണ്ട്, തന്നെ സ്നേഹിക്കുന്ന മുഴുവന്‍ പേരോടും അയാള്‍ ആവശ്യപെടുന്ന ഏക ആവശ്യം, തന്നെ മരിക്കാന്‍ സഹായിക്കുക എന്നത് മാത്രമാണ്. സ്നേഹത്തിന്‍റെ ഇത്രയും, വിചിത്ര വഴികള്‍ പരിചിതമില്ലാത്തത് കൊണ്ടാവാം ആരും, Ramónനെ സഹായിക്കാന്‍ മുന്നോട്ടു വരുന്നില്ല. തികച്ചും മാന്യമായ രീതിയില്‍ വിട പറയാന്‍ Ramón നിയമ പോരാട്ടവും നടത്തുന്നു. ഒപ്പം പുതിയ ചില വ്യെക്തികള്‍ കൂടി അയാളുടെ ജീവിതത്തിലേക്ക് കടന്നു വരുന്നു. നിയമമോ, തന്നെ സ്നേഹിക്കുന്നവരോ Ramón ആഗ്രഹിക്കുന്ന മരണത്തിലേക്കുള്ള "സഹായവുമായി" എത്തുമോ???

ഇതൊരു സിനിമ മാത്രമല്ല....ഇങ്ങനെയും ചിലര്‍ ഈ ഭൂമിയില്‍ ജീവിച്ചിരുന്നു എന്ന തിരിച്ചറിവ് പലപ്പോഴും നല്ലതാണ്. ജീവിതം വളരെ വിചിത്രമാണെന്നും, നമ്മള്‍ പലപ്പോഴും കാണാതെ പോകുന്ന ഒരു പാട് യാഥാര്‍ത്യങ്ങള്‍  ഭൂമിയിലുണ്ടെന്നും, നമ്മുടെ ശരി ഒരു പാട് ശരികളില്‍ ഒന്ന് മാത്രമാണ് എന്ന് ആദ്യന്തം ഈ ചിത്രം പറഞ്ഞു കൊണ്ടേ ഇരുന്നു.

Ramón Sampedro ന്‍റെ  ജീവിതത്തെ അവാര്‍ഡുകള്‍ കൊണ്ട് വിലയിരുത്താന്‍ ആവില്ലെങ്കിലും, 2004ലെ മികച്ച വിദേശ ചിത്രത്തിനുള്ള ഓസ്കാര്‍ ഈ ചിത്രം നേടി.

The Secret in Their Eyes (Spanish , 2009)

Director: Juan J. Campanella

എല്ലാവരുടെയും കണ്ണുകളില്‍ ഒരു രഹസ്യം ഉണ്ടോ? ഉണ്ടെന്നാണ് The Secret in Their Eyes പറയുന്നത്. നീണ്ട കാലത്തെ federal agent ജോലിക്ക് ശേഷം വിരമിച്ച Benjamín Espósito ഇനി നോവലെഴുതി സമയം ചിലവഴിക്കാനാണ് തീരുമാനിച്ചിട്ടുള്ളത്. ഔദ്യോഗിക ജീവിതത്തില്‍, അയാളെ ഒരു പാട് വേട്ടയാടിയ ഒരു കൊലപാതകം തന്നെ തന്‍റെ നോവലിന്‍റെ കഥാതന്തു ആക്കാന്‍ അയാള്‍ തീരുമാനിക്കുന്നു. ഇപ്പോഴും അവസാനിക്കാത്ത ആ കേസിനു പിന്നാലെയുള്ള Benjamínന്‍റെ അന്വേഷണമാണ് The Secret in Their Eyes. 

Benjamín ന്‍റെ  ജീവിതത്തിന്‍റെ ഗതി തന്നെ മാറ്റിമറിച്ചത്, വര്‍ഷങ്ങള്‍ക്കു മുന്‍പ് നടന്ന ആ പെണ്കുട്ടിയുടെ കൊലപാതകമായിരുന്നു. കൊലയാളിയെ കണ്ടെത്തിയെങ്കിലും, Benjamín നു മുന്‍പിലൂടെ അയാള്‍ വഴുതിപ്പോയി....... കൊല്ലപെട്ട പെണ്കുട്ടിയുടെ ഭര്‍ത്താവ് വര്‍ഷങ്ങളോളം, ആ കൊലയാളിയെ കാത്തിരുന്നു..... അന്വേഷണത്തില്‍ പങ്കെടുത്ത Benjamín ന്‍റെ സുഹൃത്ത് പാതിവഴിയില്‍ കൊല്ലപെട്ടു......അങ്ങനെ ...അങ്ങനെ..... മറക്കാന്‍ കഴിയാത്ത ഒരു പാട് വേദനകള്‍ ബാക്കിവെച്ചു പോയ ആ കൊലപാതകത്തിലേക്ക് Benjamín വീണ്ടും തിരിച്ചു നടക്കുകയാണ്.

കാലത്തിനു പിന്നിലെക്കുള്ള ഈ യാത്രയില്‍ Benjamín നു കൂട്ടായി അയാളുടെ പഴയ സഹപ്രവര്‍ത്തകയും ചേരുന്നു. അവര്‍ക്കിടയില്‍ അവര്‍ പരസ്പരം പറയാതെ പോയ ചില രഹസ്യങ്ങള്‍ കൂടിയുണ്ട് . വര്‍ഷങ്ങള്‍ക്കിപ്പുറവും ആ രഹസ്യങ്ങള്‍ തളിര്‍ത്തു തന്നെ നില്‍ക്കുന്നു. അങ്ങനെ ഒരുപാടു രഹസ്യങ്ങളിലേക്കുള്ള ഒരു യാത്രയാണ് The Secret in Their Eyes. 
പ്രണയവും,പ്രതികാരവുമൊക്കെ നന്നായി കലര്‍ന്ന ഒരു അന്വേഷണ ചിത്രമാണിത്. അത് കൊണ്ട് തന്നെയാണ് മികച്ച വിദേശ ചിത്രത്തിനുള്ള 2009ലെ ഓസ്ക്കാര്‍ "The Secret in Their Eyes" കരസ്ഥമാക്കിയത്.ഈ ചിത്രത്തില്‍ എന്നെ വളരെ ആകര്‍ഷിച്ച ഒരു സംഭാഷണമാണ് ഇത് ....................................

"A guy can change anything. His face, his home, his family, his girlfriend, his religion, his God. But there's one thing he can't change. He can't change his passion."

THE MOTOR CYCLE DIARIES (Spanish, Quechua- 2004)

Director: Walter Salles

ചെ ഗുവേരെയേ അറിയാമെങ്കിലും പലര്‍ക്കും ഈ സിനിമ അറിയില്ല. സിനിമ എന്നതിലുപരി ചെ എന്ന വിപ്ലവകാരിയുടെ ജീവിതമാണ്‌ ഈ ചിത്രം. മെഡിക്കല്‍ വിദ്യാര്‍ത്ഥിയായിരുന്ന ചെ തന്‍റെ കൂടുകാരനായ ALBERTO GRENADO യുടെ ഒപ്പം ലാറ്റിന്‍ അമേരിക്ക യിലെ വിവിധ രാജ്യങ്ങളിലൂടെ ഒരു മോട്ടോര്‍ സൈക്കിള്‍ യാത്ര തുടങ്ങുന്നു. ഈ യാത്ര യാണ് ചെ എന്ന 23 കാരനെ പിന്നീട് നമ്മളറിയുന്ന വിപ്ലവകാരിയാക്കിയത്. ഈ യാത്രയിലുടനീളം  ചെ കുറിച്ച വരികള്‍ പിന്നീട്THE MOTOR CYCLE DIARIES എന്ന പേരില്‍ പുസ്തകമായി മാറി. ആ ഡയറിക്കുറിപ്പുകള്‍ തന്നെയാണ് ഈ ചിത്രത്തിന്‍റെ  പ്രചോദനം. ജീവിതത്തെ ക്കുറിച്ച് , അതിന്‍റെ  പ്രത്യാശയെക്കുറിച്ചു ആഴത്തില്‍ ഓര്‍മിപ്പിക്കുന്ന ചിത്രം. ചുറ്റും ഉള്ള ജീവിതം ഒരാളെ എങ്ങനെ മാറ്റിമറിക്കുന്നു എന്നതിനെ നേര്‍ക്കാഴ്ചയായി മാറുന്നു ഈ സിനിമ. ചെ യെ ഇഷ്ടപെടുന്നവര്‍ മറക്കാതെ കാണേണ്ട ചലച്ചിത്രം ആകുന്നു THE MOTOR CYCLE DIARIES. 

Gustavo Santaolalla ചെയ്ത ഇതിലെ പശ്ചാത്തല സംഗീതം മറക്കാന്‍ കഴിയാത്തതാണ്.


ഈ സിനിമയുടെ പോസ്റ്ററില്‍ ചെ പറഞ്ഞ ഒരു വാചകം കുറിച്ചിരിക്കുന്നു.."'LET THE WORLD CHANGE YOU.....AND YOU CAN CHANGE THE WORLD."

Even the Rain (Spanish,2010)

Even the Rain (Spanish,2010)

Director: Icíar Bollaín

കുടിവെള്ള വിതരണം സ്വകാര്യവല്‍ക്കരിച്ചതിനെതിരെ 2000ത്തില്‍ ബോളിവിയയില്‍ നടന്ന Cochabamba protests ന്‍റെ  പശ്ചാത്തലത്തില്‍ ഒരു സിനിമ നിര്‍മ്മാണത്തിന്‍റെ കഥ പറയുകയാണ്‌ Even the Rain . കൃത്യമായ രാഷ്ട്രിയം പങ്കുവെയ്ക്കുന്ന,വിവിധ തലങ്ങളുള , കാലിക പ്രസക്തിയുള്ള ഒരു ചിത്രമാണ് ഇത്. റെഡ് ഇന്ത്യന്‍സിനെ അടിമകളാക്കി, ഒരു നാടിന്‍റെ വിഭവങ്ങള്‍ മുഴുവനും കൊള്ളയടിച്ച കോളംബസിനെതിരെ റെഡ് ഇന്ത്യന്‍സ് നടത്തിയ ചെറുത്തുനില്‍പ്പിന്‍റെ  കഥയാണ്‌ സിനിമയ്ക്കുള്ളിലെ "സിനിമ" പറയുന്നത്. ഈ സിനിമയുടെ ചിത്രീകരണത്തിന്‍റെ സമയത്താണ്,അവിചാരിതമായി Cochabamba protests അരങ്ങേറുന്നത്. സിനിമയിലെ നായകന്‍, പുറത്തെ ജനകീയ കലാപത്തിന്‍റെ  നായകനായി തീരുമ്പോള്‍ സിനിമ നിര്‍മ്മാണം പ്രതിസന്ധിയിലാകുന്നു. ഒപ്പം പുറത്തെ ജനകീയ പ്രക്ഷോഭം എല്ലാവരെയും പലതരത്തില്‍ സ്വാധീനിച്ചു തുടങ്ങുന്നു.

സിനിമ പറയുന്ന രാഷ്ട്രീയം വളരെ വെക്തമാണ്. സിനിമയുടെ പേര് പോലും അതിലേക്കുള്ള ചവിട്ടു പടിയാണ്. ഒരു കാലത്ത് കൊളംബസ്സും, ഗാമയും നാടുകള്‍ പിടിച്ചടുക്കുകയും, അവിടുത്തെ വിഭവങ്ങള്‍ കൊള്ളയടിക്കുക്കയും ചെയ്തപ്പോള്‍ , ഇന്ന് വര്‍ഷങ്ങള്‍ക്കിപ്പുറം ആ സ്ഥാനം കുത്തക കമ്പനികള്‍ ഏറ്റെടുത്തിരിക്കുന്നു. വൈദ്യുതിയും, വെള്ളവും, സ്വകാര്യ മേഖലയ്ക്കു വിട്ടു കൊടുക്കുന്ന ജനാധിപത്യ വിരുദ്ധ ഭരണകൂടങ്ങള്‍ പെരുകുന്ന ഈ കാലത്ത്, Even the Rain അനിവാര്യമാകുന്ന ചെറുത്തുനില്‍പ്പുകളെക്കുറിച്ച് ഓര്‍മിപ്പിക്കുന്നു.

"""""കണ്ടു കഴിഞ്ഞപ്പോള്‍ പെട്ടന്ന് മനസ്സില്‍ വന്നത് മലയാള ചിത്രമായ "ഉറുമി" ആണ്. ആശയ തലത്തില്‍ അവഗണിക്കാനാവാത്ത സാമ്യത ഇരു ചിത്രങ്ങളും പങ്കുവെയ്ക്കുന്നു.